|
पुराण विषय अनुक्रमणिका PURAANIC SUBJECT INDEX ( Ra, La)
|
|
|
लिङ्ग टिप्पणी शब्दकल्पद्रुमे लिङ्गस्य व्युत्पत्तिः एवं व्याख्यायते –
“आकाशं लिङ्गमित्याहुः पृथिवी तस्य पीठिका । आलयः सर्व्वदेवानां लयनाल्लिङ्गमुच्यते ॥”
अपि च –
देव्युवाच । “इन्द्रियै रहितो देवः शून्यरूपः सदाशिवः । आकारो नास्ति देवस्य किं तस्य पूजने फलम् ॥ शिव उवाच । प्रेते पूजा महेशानि कदाचिन्नास्ति पार्व्वती । रुद्रस्य परमेशानि रौद्री शक्तिरितीरिता ॥ रौद्री तु परमेशानि आद्या कुण्डलिनी भवेत् । वर्त्तते परमेशानि ब्रह्मविष्णुशिवात्मिका ॥ सार्द्धत्रिवलयाकारैः शिवं वेष्ट्य सदा स्थिता । शक्तिं विना महेशानि प्रेतत्वं तस्य निश्चितम् ॥ शक्तिसंयोगमात्रेण कर्म्मकर्त्ता सदाशिवः । अतएव महेशानि पूजयेच्छिवलिङ्गकम् ॥” इति सशक्तिकशिवलिङ्गपूजनफलम् ॥ इति लिङ्गार्च्चनतन्त्रे २ पटलः ॥
अपि च – लिगु, क्ली, (लिङ्गति विषयात् विषयान्तरं गच्छतीति । लिग + “खरुशंकुपीयुनीलङ्गुलिगु ।” उणा० १ । ३७ । इति कुप्रत्ययेन साधु ।) मनः । इति सिद्धान्तकौमुद्यामुणादिवृत्तिः ॥
|